UFI, Explori paraqesin studimin më të madh të kryer ndonjëherë mbi ekspozitat: Këndveshtrimet e Vizitorëve në nivel Global

  • Të dhëna nga më shumë se 13,000 vizitorë të ekspozitave tregtare në të gjithë globin, tregojnë modele te ndryshueshme pritshmërie.
  • Ekspozitat tregtare shihen si kanale të qëndrueshme biznesi, por kanalet e tjera konkurruese mund të kenë një rritje edhe më të shpejtë.
  • Megjithëse vihet re një prirje drejt “festivalizimit”, vizitorët e sotëm vlerësojnë më tepër përmbushjen e objektivave te biznesit sesa argëtimin.
  • Problematikat konkrete të vizitorëve kanë të bëjnë kryesisht me veprimet e lehta për t’u administruar nga organizatorët dhe qëndrat expo.

Vizitorët e Ekspozitave Tregtare në nivel global, në përgjithësi, raportojnë se janë të kënaqur me ekspozitat/panairet që ata ndjekin – por në të njëjtën kohë, 22% deri në 27% e vizitorëve nga tregjet e maturuara ndjejnë se ekspozitat janë “duke u përkeqësuar”. Gjithashtu, sipërmarrësit e rinj që marrin pjesë në ekspozita të tilla, kanë prirjen të kërkojnë që ekspozitat tregtare të bëhen më zbavitëse, gjithmonë me kusht që vazhdojnë t’u mundësojnë atyre plotësimin e nevojave të biznesit.

Këto janë disa nga zbulimet thelbësore të Studimit Global të Vizitorëve 2018/19, të publikuar kohët e fundit dhe të ndërmarrë bashkërisht nga UFI – Shoqata Globale e Industrisë Ekspozuese dhe Explori – specialistët e hulumtimit të eventeve.

Duke u mbështetur në kombinimin e rrjetit unik global të UFI-t dhe shtrirjes globale të bazës klientele dhe kërkimore të Explorit, studimi Këndveshtrimet e Vizitorëve në nivel Global 2018/19 ofron raportin më të plotë mbi vizitorët e ekspozitave tregtare. Studimi bazohet në analizën e më shumë se 13,000 përgjigjeve nga vizitorët e ekspozitave tregtare, të kombinuara me intervista të hollësishme me 29 drejtues eventesh dhe specialistë marketingu.

Studimi në fjalë përfshin mjaft njohuri dhe të dhëna nga profesionistë brenda industrisë së ekspozitave tregtare:

  • Në nivel global, shkalla e përgjithshme e kënaqshmërisë për ekspozitat tregtare është 3.86 (nga 5.00), dhe rezultati i promotorit neto është +7. Të dyja këto vlera kanë mbetur të qëndrueshme gjatë tre viteve të fundit. Organizatorët duket se po bëjnë një punë të efektshme në ruajtjen e kënaqësisë së vizitorëve dhe përkrahjes; megjithatë vizitorët nga tregjet e zhvilluara po tregojnë më tepër shenja lodhjeje nga modeli tradicional i ekspozitave tregtare sesa nga tregjet në zhvillim.
  • Vizitorët i vlerësojnë kanalet e ekspozitave tregtare “si më të mirat” përsa i përket aftësisë për të operuar / takuar njerëz, për të blerë / përfituar produkte, për të mësuar / përditësuar me trendet e fundit të industrisë dhe për të gjetur ide / risi të reja.
    Megjithatë, vizitorët shprehen se me kalimin e kohës do të përdorin kanale të tjera në një shkallë më të lartë sesa kanalet e ekspozitave tregtare;
  • Aftësia për të gjetur ide dhe zgjidhje të reja ndikon shumë në kënaqësinë e përgjithshme të vizitorëve. Prandaj, aksesi ndaj një numri të përshtatshëm të ekspozuesve cilësorë mbetet një faktor kyç për vizitorët. Paralelisht, modeli tradicional i ekspozitave tregtare duhet të evoluojë për të përmbushur nevojat e publikut, që gjithnjë janë në ndryshim; preferencat e vizitorëve më të rinj dhe atyre nga tregjet në zhvillim, kanë filluar të ndryshojnë barazpeshën e tanishme; qasja ndaj qëndrueshmërisë gjithashtu bëhet një faktor detyrues në disa raste.
  • Sipas këndvështrimit të organizatorëve, vizitorët dëshirojnë të kenë një përvojë më të këndshme dhe kjo korrespondon me ato fusha që i irritojnë vizitorët më tepër. Në krye të listës qëndrojnë: hapësirat për t’u ulur, kateringu dhe koha e pritjes. Aksesi i internetit renditet në vend të nëntë në listën e pakënaqësive, por kjo ka më tepër gjasa të konsiderohet si problem nga vizitorët më të rinj.
  • Pavarësisht se teknologjia e pranishme tek eventet, në shumë drejtime mund të ketë një efekt pozitiv në përvojën e vizitorëve, ende ekziston një mungesë e përgjithshme e ndërgjegjësimit, funksionalitetit dhe ekzekutimit që aktualisht i kufizon vlerat e saj si për organizatorët, ashtu edhe për vizitorët.

Kai Hattendorf, drejtori menaxhues/kreu i UFI-t, u shpreh: “Ky studim konfirmon rolin qendror të ekspozitave tregtare për vizitorët, si kanali i përzgjedhur për zhvillimin e bizneseve të tyre. Përveç se nxjerr në pah elementët kryesorë që përmirësojnë përvojën e vizitorëve dhe ndikimin e moshës së tyre, studimi gjithashtu raporton disa dallime të rëndësishme rajonale dhe tregon qartë se si organizatorët mund të trajtojnë elementët kryesorë që ndikojnë në mënyrën se si vizitorët i përjetojnë ekspozitat/panairet.

Sophie Holt, drejtoresha e Strategjisë Globale të Explorit dhe autore e raportit, shtoi: “Këndvështrimet e Vizitorëve në nivel Global” është studimi më i gjerë që kemi ndërmarrë gjatë partneritetit tonë me UFI-n dhe jemi të kënaqur nga mbështetja që na kanë dhanë organizatorët anembanë botës duke na ndihmuar për të siguruar një bazë kaq të gjerë sondazhi për studimin tonë. Dua të falënderoj të gjithë organizatorët që morën pjesë, veçanërisht ata që ndanë me ne përvojat, shpresat dhe pakënaqësitë e tyre gjatë intervistave kërkimore. Gjithashtu, gjatë vitit të ardhshëm, mirëpresim shkëmbimin e mendimeve mbi raportin, në të mirë të industrisë”.

Për studimin Këndveshtrimet e Vizitorëve në nivel Global 2018, janë analizuar 13,000 përgjigje nga vizitorët e tregtisë në 135 shtete te ndryshme, së bashku me një meta-analizë nga baza globale e të dhënave të Explorit, që përfshin reagimet e vizitorëve nga më shumë se 1,600 ekspozita tregtare. Studimi “Këndvështrimet e Vizitorëve në nivel Global” është hartuar dhe shkruar bashkarisht nga UFI dhe Explori. Raporti mbështetet nga Shoqëria e Organizatorëve të Pavarur të Ekspozitave (SISO). Seria e hulumtimit deri tani përfshin tri rishikime të thella të pritshmërive që kanë ekspozuesit dhe vizitorët ndaj organizatorëve dhe vendeve të ekspozimit.

Një përmbledhje e hulumtimit është në dispozicion pa pagesë në www.ufi.org/research.
Raportet e plota janë në dispozicion për të gjithë anëtarët e UFI në zonën e Anëtarëve të UFI në faqen e internetit: http://members.ufi.org/members_access.aspx.

Zhvillimi i Nevojave të Tregtisë së lirë dhe Mësime të Tjera nga Historia

Tregtia e lirë globale nuk është menyra natyrore e gjërave, ndaj do perkujdesje dhe të mirembahet. Sophus Reinert dhe Dante Roscini diskutojnë për tregtinë përgjatë kohërave dhe atë që na mëson historia.

Pyetje: Cilat modele dalin nga historia që mund të na ndihmojnë të kuptojmë më mirë se ku jemi sot?

Sophus Reinert: Për shumë njerëz, globalizimi është teleologjik, diçka që domosdoshmërisht bëhet më e fortë në kohë dhe çon në një botë gjithnjë e më të ndërlidhur ekonomikisht, por historia na thotë se kjo nuk është e vërtetë. Ka raste kur globalizimi merr një hap prapa. Nga viti 1850 deri më 1914 kishte një revolucion teknologjik: Me telegrafin, papritmas mund të komunikohej nga Zelanda e Re në Londër për disa sekonda, dhe ftohja (frigoriferimi) mundësoi të kishte gjalpë të Zelandës se Re në Londër. Një shpërthim i tregtisë dhe rrjedhës së kapitalit krijoi një botë që dukej në shumë mënyra si e jona.

Megjithatë, edhe në fillim të shekullit të 20-të, mbetën tensionet e rritjes së pabarazisë dhe konkurrencës së pagave në një kontekst të rivalitetit ndërkombëtar të pamëshirshëm. Në fund një e shtënë në Sarajevë vrau Kryepeshkopin Ferdinand dhe filloi Luftën e Parë Botërore dhe të gjitha u shembën. Si përqindje të PBB-së, ne nuk u kthyem në ato nivele të mëparshme të flukseve të kapitalit global deri në vitet 1990. Tregtia e lirë globale nuk është rendi natyror i gjërave. Globalizimi është një projekt, dhe projektet duhet të mbahen.

Dante Roscini: Tregtia ka pasur peripecitë në histori, si me merkantilizmin – ideja se një shtet do të ishte më mirë duke e bërë shtetin fqinj më të varfër – e cila mbizotëronte në Evropë për shekuj me radhë dhe çoi në shumë luftëra. Globalizimi u rrit në fillim të viteve 1900 deri në Depresionin e Madh, kur pamë vende të mbyllen per veten e tyre. Akti tarifor i mbrojtjes Smoot-Hawley i vitit 1930 shpuri në hakmarrje në të gjithë botën dhe tregtia kaloi në një spirale rënëse që përkeqësoi krizën.

“Një gjë që ne rimësojmë, është se fitimet nga tregtia nuk do të thonë se domosdoshmërisht të gjithë fitojnë”.

Pas Luftës së Dytë Botërore, bota kërkonte një zgjidhje për mungesën e institucioneve multilaterale për të qeverisur tregtinë duke krijuar Marrëveshjen e Përgjithshme të Taksave dhe Tregtisë – e cila më vonë u bë OBT.

Reinert: Një gjë që ne vazhdojmë të rimësojmë është se fitimet nga tregtia nuk do të thotë që të gjithë fitojnë. Është e qartë se tregtia globale gjatë dekadave të fundit ka gjeneruar më shumë pasuri sesa çdo periudhë e mëparshme në historinë njerëzore. Por nëse shikoni, në përqindje, se sa nga ajo ka shkuar në klasën e mesme të re në Azi, Indi dhe Kinë – dhe jo në klasën e mesme të punës në botën e zhvilluar – këtu e sheh revoltën. Duke pasur parasysh rëndësinë e stabilitetit të projektit të globalizimit, mund të na duhet të shqyrtojmë sërish pasojat politike të shpërndarjes.

Roscini: Nuk ka dyshim se ka një fitim të përgjithshëm. Por pyetja është, kush fiton? Kush humbet? Interesat e përqendruara që ndikohen negativisht nga tregtia e lirë në disa industri apo rajone, çojnë në kërkesa për mbrojtje nëpërmjet barrierave tregtare. Politikanët i shohin këto kërkesa dhe më pas ne jemi dëshmimtarë të tregëtisë periodike. Lufta e Catfish-it është një shembull i famshëm që hedh poshtë Misisipi Delta, ku shumë njerëz të varfër jetojnë jashtë industrisë së Catfish-it, kundër Mekong Delta, ku ke të njëjtën gjë. Prodhuesit amerikanë mendonin se po kërcënoheshin nga peshq të lirë nga Vietnami dhe politikanët vendës dolën deri në Washington, gjë që imponoi një sërë barrierash tregtare. Shpenzimet mbulohen nga interesa të shpërndara, duke përfshirë edhe konsumatorin, i cili përfundon duke paguar çmime më të larta.

Zakonisht si janë zgjidhur konfliktet tregtare dhe pse është kaq e vështirë për të arritur atje?

Reinert: Një pjesë e madhe e punës sime është në periudhat e mëhershme, kur luftërat tregtare ishin fjalë për fjalë luftëra – kur anglezët donin të dominonin hollandezët dhe ata vepruan. Ne nuk jemi në atë botë më, por është një kujtesë e dobishme se sa të larta mund të jenë rreziqet.

Roscini: Normalisht palët arrijnë një marrëveshje, idealisht nën patronazhin dhe sipas rregullat e OBT-së. Problemi është se në ditët e sotme luftërat tregtare mund të kenë pasoja të paqëllimshme që e komplikojnë zgjidhjen e tyre. Zinxhirët e furnizimit global janë tepër komplekse. Kur një telefon dizenjohet në Amerikë dhe bashkohet si produkt në Kinë me furnizime nga 30 vende të tjera, nga cili vend është produkti final?

“Përpjekja për menaxhim të flukset tregtare në çdo produkt specifik përmes tarifave ose barrierave, prek shumë elementë të tjerë me efekte që janë të vështira për t’u parashikuar.

Reinert: Për mijëvjeçarë, shumica e tregtisë ishte ose në lëndë të parë ose në mallra të gatshme. Deri kohët e fundit, një tarifë për makinat ishte për të ndaluar importin e makinave të përfunduara. Por sot, shumë tregti ka të bëjë me mallra të ndërmjetme që mund të shkëmbehen përtej kufijve. Pra, edhe politika e të kuptuarit të tarifave, qëllimeve dhe pasojave të tyre, është shumë më e errët. Ajo kërkon një lloj shumë të ndryshëm angazhimi, me atë që dikur ishte një mjet mjaft i hapur.

Që ne jetojmë në një botë të shteteve të pavarura politikisht por ende të ndërvarura ekonomikisht, dihej që në kohën e Adam Smith. Për sa kohë që jetojmë në atë botë, do të detyrohemi të përballojmë këto sfida. Nuk mund të rrimë dhe të presim një ekonomi botërore gjithnjë në rritje, më të pasur dhe më paqësore. Një sistem ndërkombëtar duhet të rritet. Ne nuk duhet ta nënvleresojmë këtë të fundit – kjo është ajo cka kemi mësuar. Përsëri.

Burimi: Harvard Business Review; Fillimisht u shfaq në Buletinin e Shkollës së Biznesit të Harvardit.

Beauty Expo, një event për ty!

Nga Misela Patrioti

Bukuria është një e vërtetë që ju pëlqen të gjithëve, pa u munduar të deformohet apo të tjetërsohet. Bukuria fiton shumë kur bashkohet me estetikën, i përngjason një koncepti të pakufizuar, por që mund të të krijojë një gjendje shpirtërore të mrekullueshme. Filozofia e bukurisë është një teori e vlerave, një manifestim i vetëbesimit, i krenarisë. Stili që shpreh bukurinë është efikas, fuqia e tij është emocionale, është art.

Sektori i bukurisë

Çdo vit, industria e bukurisë prezanton produkte të reja dhe inovative të kujdesit të lëkurës dhe teknika. Aktualisht, vëmendja është në bukurinë natyrore dhe se si regjimi i duhur i kujdesit të lëkurës mund të rezultojë në lëkurë të butë dhe të thatë që është kërkuar shumë, pavarësisht nga mosha. Ndaj, fokusi vendoset në produkte me përbërës sa më tepër natyralë.

Bëhuni make-up artisti i vetes tuaj!

Nuk ka rëndësi sesa make- up ju vendosni, çfarë vishni, apo çfarë tendencash të flokëve ju përshtaten, kërkimi për trendet e reja nuk përfundon kurrë! Një ndihmë e vogël është gjithmonë e mirëpritur kur bëhet fjalë për bukurinë. Ju mund të keni mikun tuaj më të mirë apo një asistent që ju zgjidh të gjitha problemet e bukurisë, por nëse nuk keni një të tillë, mos u shqetësoni, profesionistët më të mirë të bukurisë do të mblidhen së bashku në Beauty Expo 2018. Nëpërmjet eksperiencave të tyre, që do të demonstrohen gjatë aktiviteteve në panair, ju do të merrni mësime mbi të rejat e fundit të sektorit të bukurisë.

Aromë Krishtlindjesh- Zgjidhni dhuratën e duhur

Dy ditë, 14-15 Dhjetor, Expocity Albania do të mirëpres të gjithe ata që vlerësojnë të bukurën. Plot opsione për produkte të flokëve, thonjve, lëkurës, kujdesit ndaj vetes dhe oferta fantastike do të jenë prezente në këtë ekspozitë të bukurisë. Një event i dedikuar për të gjithë ju që vlerësoni të Bukurën!

Globex 2018: Tregu global i ekspozitave tregtare parashikohet të rritet 5% në 2022

Edicioni i dhjetë i raportit Globex – Tregu global i ekspozitave tregtare dhe organizimeve – Vlerësimi dhe parashikimi në 2022

Raporti Globex 2018 tregon se rritja e tregut të ekspozitave tregtare në 2017, erdhi si rezultat i rritjes së lartë të vazhdueshme nga tregjet në zhvillim, ndërkohë që tregjet e maturuara, vazhduan të tregtonin në një mjedis të përmirësuar makroekonomik.

Kina ka forcuar vendin e dytë në tregun e ekspozitave tregtar mbas SHBA në sajë të rritjes strukturore të lartë, nderkohë zgjerimi i organizatorëve në tregjet në zhvillim (tregje më të vogla këto por me rritje të lartë, si: India, Meksika dhe Indonezia), vazhdon përmes përshtatjeve gjeografike, ose blerjeve.

Botuesi AMR International parashikon që – pavarësisht nga pasiguria globale politike aktuale – rritja vjetore e përbërë do të arrijë 5% në 2022, mbi rritjen e PBB-së.

Këto janë disa nga gjetjet bazuar në Globex 2018 mbi tregun e ekspozitave tregtare globale dhe vlerësimi dhe parashikimi deri në 2022, prodhuar çdo vit nga konsulenca e strategjisë së AMR International.

Editore e raportit Globex, Diana Gineva, komenton se ritmi i konsolidimit të industrisë është përshpejtuar:

“Blerja e UBM nga Informa, është bashkimi më i rëndësishëm në historinë e kohëve të fundit, duke e pozicionuar atë si organizatorin më të madh në mbarë botën. Marrëveshje të tjera të dukshme në tregjet e maturuara përfshijnë blerjen e Ascential Exhibitions nga ITE, si dhe blerjen e portofolit të eventeve të PennWell me bazë në SHBA nga Clarion Events.

“Tregu i ekspozitave mbetet i fragmentuar dhe ende ofron mundësi të konsiderueshme për konsolidim ndërkombëtar. Një aktivitet intesiv i bashkimeve dhe blerjeve të kompanive, pritet të vazhdojë më tej në periudhën afatshkurtër e afat të mesëm, ku shumë firma me kapital privat, dëshirojnë të hyjnë në sektorin e ekspozitave tregtare.”

Tregu Global – Pikat Kryesore të 2017

Gjetjet e tjera nga Globex 2018 përfshijnë:

  • Përkundër rritjes së kërkesave të shpenzimeve kapitale të teknologjise (IT), konvertimi i parave në sektorin e ekspozitave tregtare mbetet i shkëlqyeshëm. Ka një shkallë te lartë integriteti të të ardhurave, me normat e rinovimit të ekspozuesit, zakonisht brenda intervalit c.65% deri në c.70%.
  • Të gjitha tregjet e maturuara kanë rifituar vlerën e tyre para recesionit, por zhvillimi i volumit është ende poshtë në rajone të caktuara kryesore.
  • Pas një periudhe rënie të rëndë, Rusia ka filluar të rimëkëmbet, e nxitur nga zhvillimi i volumit.
  • Brazili vazhdon të vuajë, por pritet të stabilizohet në periudhën afatmesme, megjithëse pas zgjedhjeve të fundit, kjo do të varet nga stabiliteti i ardhshëm politik dhe makroekonomik.
  • Rajoni Gulf mbetet një vend i rëndësishëm takimi si një qendër tregtare, dhe Emiratet e Bashkuara Arabe po përgatiten për Expo2020 të ardhshëm me zgjerimin e Dubai World Central.
  • Tregjet e Azisë Juglindore si: Vietnami, Tailanda dhe Filipinet paraqesin mundësi të pashfrytëzuara tërheqëse, por në afat të shkurtër janë disi të kufizuara nga kapaciteti i qendrave expo.

***Të dhënat vijne nga raporti i plotë Globex 2018, i botuar më 5 nëntor, nga AMR International. (Burimi: AMR International).

Industria e Eventeve të Biznesit rrit PBB global me 1.5 trilion dollarë dhe 26 milion vende pune

Rezultatet përfundimtare të studimit të parë botëror mbi rëndësinë ekonomike të eventeve të biznesit ballë për ballë, u publikuan ne Nentor nga Këshilli i Industrisë të Eventeve (EIC), i cili autorizoi hulumtimin. Rëndësia ekonomike globale e ngjarjeve të biznesit u krye nga Oxford Economics në kuadrin e një bashkëpunimi fillestar midis EIC dhe partnerëve, IMEX, Hilton, Fondacioni MPI dhe Fondacioni për Arsim PCMA.

Duke u zgjeruar me tej, mbi gjetjet paraprake të shpallura më 17 tetor në IMEX në Las Vegas, raporti i plotë tregon thellësinë dhe arritjen e ndikimit të sektorit. Eventet e biznesit gjeneruan 621.4 miliard dollarë (US) të PBB-së së drejtpërdrejtë dhe kontribuan me një ndikim total të PBB-së (prodhimi i brendshëm bruto global) prej 1.5 trilion dollarë. Kjo e rendit sektori si i 14-të më i madh në botë, përpara PBB-së së Australisë, Spanjës, Meksikës, Indonezisë dhe Arabisë Saudite.

“Për herë të parë industria jonë është në gjendje të tregoojë se eventet e biznesit janë një motor ekonomik i frikshëm. Ky studim u mundëson të gjithë profesionistëve, që janë të përfshirë në bashkimin e njerëzve për ndërveprime të drejtpërdrejta, të tregojnë vlerat e tyre të vërteta dhe kontributin e konsiderueshëm për rritje dhe mundësi “, tha Cathy Breden, CMP, CAE, Kryetare e Komitetit Hulumtues të Këshillit të Industrisë të Eventeve.

Studimi gjeti se eventet e biznesit globalisht gjenerojnë më shumë se 10.3 milion vende pune në menyrë të drejtpërdrejtë dhe ndikojnë rreth 25.9 milion.

“Rëndësia ekonomike globale e eventeve të biznesit është një mjet jetik për industrinë tone, për të ndihmuar sektorët privatë dhe publikë kudo që të kuptojnë më mire, se si eventet e rëndësishme te biznesit po zhvillojnë ekonomitë lokale, rajonale dhe kombëtare”, thekson drejtore ekzekutiv e Këshillit të Industrisë të Eventeve, Karen Kotowski, CMP, CAE. “Ne jemi mirënjohës që organizatat udhëheqëse, Hilton, IMEX, Fondacioni i MPI dhe Fondacioni për Arsim PCMA punuan së bashku në partneritet me EIC për të mbështetur këtë hulumtim monumental”.

Pesëdhjetë vende përbënin 96 për qind të totalit prej $ 1.07 trilion (US) në shpenzime direkte. Shtetet e Bashkuara kryesuan me 325 miliardë dollarë, me Kinën, Gjermaninë, Mbretërinë e Bashkuar dhe Japoninë, duke grumbulluar pesë të parat. Azia ishte rajoni më i madh në aspektin e pjesëmarrësve të eventeve të biznesit, duke përfaqësuar gati një të tretën e 1.5 miliard total në mbarë botën. Europa e Perëndimit renditet e dyta, me pothuajse 30 për qind të ndjekur nga Amerika e Veriut me vetëm nën njëzet e dy përqind të të gjithë pjesëmarrësve. Mesatarja e shpenzimeve për pjesëmarrës është $ 704 (US).

Raporti i plotë mund të aksesohet këtu:
http://www.eventscouncil.org/ResearchInfo/global-economic-significance-of-business-events